حوار مع سائق ميكروباص

-A A +A
أربعاء, 08/10/2014 - 14:58

شوية ناس مترصصين
على الأرض للميكروباص متربصين
مين يرحمهم من ذل السواقين
* * *
ولما يجيى الميكروباص يلاقى لمة
ناس رايحة وفيه ناس مع ناس جاية
مستنيين العربية اللى جاية
* * *
سواق تمام وعشرة لأ
يشوف الزحمة يقول لأ
وسواق تسأله عن المكان يقولك نص المسافة.. والباقى لأ
والتمن.. نفس الأجرة
طيب وباقى المسافة؟
يرد بكل برود.. بأجرة تانية
يا أسطى ليه كده؟
يقولك أصل العيشة بقت غالية
البنزين والسولار أسعارهم بقت نار
وأنا عندى عيال عايزين تربية.. ده غير قسط العربية
يا أسطى احنا برضه فى نفس المركب
عندنا عيال.. نفنسا نعيشهم عال العال
لكن بقالنا سنين على دا الحال
ومفيش أى زيادة فى المرتب
لأ بالعكس.. تلاقى زيادة فى الفواتير
ومن يوم 5 المرتب بيطلعلوه جناح ويطير
ميبقاش انت والزمن والحكومة اللى عنا متدارية
ارحمنا انت بقى شوية.. دا ربنا رحمته قوية
هو الوحيد اللى حاسس بيا
شايف ضميرى وضميرك
لو تفكر ممكن يحصلك اللى بتعمله فى غيرك
مش هتفكر تعمل كده فى الناس تانى
ومش هتكون إنسان أنانى
* * *
لكن فى النهاية.. هقولك ايه؟
ربنا كبير

  • قرأت 4046 مرة